દેશની મલ્ટી નેશનલ કંપની ઝાયડસ. લાઈફ સાયન્સ લિમિટેડ દ્વારા વિદ્યાર્થીઓનાં ઇન્ટરવ્યૂ લેવાયા
યુનિવર્સિટીના વિદ્યાર્થીઓને કેમ્પસ પ્લેસમેન્ટ મળી રહે તે હેતુથી હેમચંદ્રાચાર્ય ઉત્તર ગુજરાત યુનિવર્સિટીમાં આવેલ રસાયશાસ્ત્ર વિભાગ ખાતે વિભાગ ના અધ્યક્ષ ર્ડો. પ્રોફ. સંગીતાબેન શર્મા ના માર્ગદર્શન હેઠળ તા.૧૩/૦૪/૨૦૨૩ ના રોજ મલ્ટી નેશનલ કંપની ઝાયડ્સ લાઈફ સાયન્સ લિમિટેડ દ્વારા પ્રોડકશન ટ્રેની ની જગ્યાઓ માટે ઈન્ટરવ્યું યોજાઈ ગયા જેમાં ૧૩૦ જેટલા કેમેસ્ટ્રી, લાઈફસાયન્સ અને બાયોટેક વિભાગના વિદ્યાર્થીઓના બાયોડેટા પ્રાપ્ત થયા હતા. ઇન્ટરવ્યૂ દરમિયાન સ્થળ પર ૬૫ થી વધારે ઉમેદવારો હાજર રહ્યા હતા.
સૌ પ્રથમ આશીત શુક્લા (HR Manager Zydus Pharmaceutical) દ્વારા કંપની, જોબ, સેલેરી અને મળવાપાત્ર સુવિધાઓ વિશે માહિતી આપવામાં આવી હતી જેમાં તબક્કા વાર પ્રથમ ઓનલાઈન ટેસ્ટ ત્યાર બાદ ઓફલાઈન ટેસ્ટ અને અંતમાં પર્સનલ ઇન્ટરવ્યૂ લેવામાં આવ્યા હતા. જેમાં ૨૦ વિદ્યાર્થીઓ પસંદગી પામ્યા હતા. યુનિવર્સિટી કેમ્પસમાં જ પ્લેસમેન્ટ મળી રહે અને વિદ્યાર્થીઓ ઉચ્ચ કારકિર્દી પ્રાપ્ત કરે તે માટે થઈ કુલપતિશ્રી આર.એન.દેસાઈ, રસાયણ શાસ્ત્ર વિભાગના અધ્યક્ષ ડૉ. સંગીતા શર્માના પ્રયત્નો થકી કેમ્પસ પ્લેસમેન્ટ શક્ય બન્યું હતું.
