November 20, 2026
Maha Gujarat
Other

નૉર્થ ગુજરાત એજ્યુકેશન સોસાયટી કેમ્પસમાં ફાર્મસી કોલેજને ફાર્મસી કાઉન્સિલ ઑફ ઇન્ડિયાની મંજૂરી

માત્ર ડિગ્રી નહીં, પરંતુ ભવિષ્યના હેલ્થકેર લીડર્સ તૈયાર કરવાનો અમારો સંકલ્પ — પાટણ હવે ફાર્મસી શિક્ષણનું નવું ડેસ્ટિનેશન બનશે – ડૉ. જય ધ્રુવ

પાટણ માટે ગૌરવની ક્ષણ

પાટણ શહેર અને સમગ્ર ઉત્તર ગુજરાત માટે ગૌરવ અને આનંદના સમાચારરૂપે, છેલ્લા ૬૭ વર્ષથી શિક્ષણ ક્ષેત્રે અવિરત સેવા આપતી નોર્થ ગુજરાત એજ્યુકેશન સોસાયટી કેમ્પસ દ્વારા આ વર્ષથી શરૂ કરવામાં આવેલ ગીતાબેન વિનોદભાઈ ઝવેરી કોલેજ ઑફ ફાર્મસી ને હવે Pharmacy Council of India ની સત્તાવાર મંજૂરી પ્રાપ્ત થઈ છે. સાથે સાથે ગુજરાત સરકારની મંજૂરી તથા Gujarat Technological University સાથેનું સંલગ્નતા પણ પ્રાપ્ત થતાં હવે આ સંસ્થા આ શૈક્ષણિક વર્ષથી બેચલર ઑફ ફાર્મસી (બી.ફાર્મ.) અભ્યાસક્રમ માટે પ્રવેશ પ્રક્રિયા શરૂ કરશે.

પાટણ શહેરમાં અત્યાર સુધી ફાર્મસી કોલેજનો અભાવ હતો ત્યારે એન.જી.ઈ.એસ. દ્વારા શરૂ કરાયેલ આ આધુનિક ફાર્મસી કોલેજ શહેર તેમજ આસપાસના વિદ્યાર્થીઓ માટે મોટી તક અને આશીર્વાદ સમાન સાબિત થશે. અદ્યતન શિક્ષણ, પ્રાયોગિક જ્ઞાન અને ઉદ્યોગલક્ષી અભ્યાસક્રમ દ્વારા વિદ્યાર્થીઓને ભવિષ્યના આરોગ્ય અને ઔષધ નિર્માણ ક્ષેત્ર માટે તૈયાર કરવામાં આવશે.

એન.જી.ઈ.એસ. કોલેજ કેમ્પસ મેનેજમેન્ટના ડૉ. જય ધ્રુવે જણાવ્યું હતું કે, “૬૦ બેઠકોની મંજૂરી સાથે શરૂ થનારા આ કોલેજ માટે આધુનિક અને ભવ્ય મકાન તૈયાર કરવામાં આવ્યું છે. અદ્યતન પ્રયોગશાળાઓ, સ્માર્ટ વર્ગખંડો, અનુભવી પ્રાધ્યાપકો તથા તમામ આધુનિક સુવિધાઓ સાથે વિદ્યાર્થીઓને ગુણવત્તાસભર શિક્ષણ આપવામાં આવશે. એન.જી.ઈ.એસ. હંમેશા શિક્ષણમાં નવી દિશા અને ઉત્તમતા લાવવાના પ્રયાસો કરતું આવ્યું છે અને ફાર્મસી મહાવિદ્યાલય તેનું વધુ એક ગૌરવપૂર્ણ પગલું છે.”

આ નવી સિદ્ધિ સાથે એન.જી.ઈ.એસ. કેમ્પસે શિક્ષણક્ષેત્રે વધુ એક “નવું પંખ” ઉમેર્યું છે અને પાટણને ફાર્મસી શિક્ષણનું નવું કેન્દ્ર બનાવવા તરફ મહત્વપૂર્ણ પગલું ભર્યું છે.

Related posts

પાટણનાં નગરદેવી શ્રી કાલિકા માતાજીના પ્રાચીન મંદિરમાં શાસ્ત્રીય ગાયન, વાદન અને નૃત્યનો દ્વિદિવસીય સંગીત સમારોહ યોજાશે

mahagujarat

એસ. પી. ઠાકોર સર્વોદય હાઇસ્કૂલ, કાંસાના શિક્ષક ડૉ. રાજગોપાલ મહારાજાને રાજ્યકક્ષાનો શ્રેષ્ઠ શિક્ષકનો એવોર્ડ એનાયત

mahagujarat

હરીદ્વારની પાવન ભૂમિમાં આચાર્ય શ્રી દિલીપભાઇ શાસ્ત્રીના વ્યાસપીઠે શ્રીમંદ્ ભાગવત કથાનું ભવ્ય આયોજન

mahagujarat

પાટણ સ્થિત હેમચંદ્રાચાર્ય ઉત્તર ગુજરાત યુનિવર્સિટીમા આજથી બોર્ડ ઓફ મેનેજમેન્ટ અમલી

museb

પ.પૂ. મુનિશ્રી ભાનુવિજયજી મહારાજ સ્થાપિત સર્વમંગલમ્ આશ્રમ સાગોડીયા ખાતે ગુરૂપૂર્ણિમાની ભાવપૂર્ણ ઉજવણી તથા આશ્રમ દ્વારા તૈયાર થયેલ ચાર પુસ્તકોનું વિમોચન કરાયું

museb

પાટણના ધારાસભ્ય ડૉ. કિરીટ પટેલ, પૂર્વ ધારાસભ્ય ચંદનસિંહ ઠાકોર સહિત ૨૬ કાર્યકરોને મૂક્તિ અપાઇ

museb

Leave a Comment