ગુજરાતના શૈક્ષણિક ક્ષેત્ર માટે ગૌરવ તરીકે પાટણની નોર્થ ગુજરાત એજ્યુકેશન સોસાયટીના મેનેજિંગ કમિટીના ડૉ. જય ધ્રુવને વિશ્વની પ્રતિષ્ઠિત Azteca University, મેક્સિકો દ્વારા પ્રતિષ્ઠિત Doctorate of Advanced Studies (D.A.S.) ઇન એજ્યુકેશનલ મેનેજમેન્ટની માનદ પદવી થી સન્માનિત કરવામાં આવ્યા છે. વૈશ્વિક સ્તરે શૈક્ષણિક ગુણવત્તા, સંશોધન, નવીનતા અને વ્યાવસાયિક ઉત્તમતા માટે જાણીતી એઝટેકા યુનિવર્સિટી વિશ્વની અગ્રણી યુનિવર્સિટીઓ, 298 માં નંબરે સ્થાન ધરાવે છે ડો. જય ધ્રુવને આ વિશિષ્ટ સન્માન તેમના શૈક્ષણિક યોગદાન, સંશોધન, નવીન અભિગમ તથા સામાજિક ક્ષેત્રે કરેલા નોંધપાત્ર અને પ્રેરણાદાયી યોગદાન બદલ એનાયત કરવામાં આવ્યું છે. શિક્ષણક્ષેત્રે ગુણવત્તાસભર પરિવર્તન લાવવા, સંસ્થાગત વિકાસને નવી દિશા આપવા, યુવાનોમાં સંશોધન અને નવીનતાની ભાવના પ્રેરિત કરવા તેમજ સમાજકેન્દ્રિત શિક્ષણ માટે સતત કાર્ય કરવાના તેમના પ્રયાસોને આંતરરાષ્ટ્રીય સ્તરે માન્યતા પ્રાપ્ત થઈ છે. આ પ્રસંગે ડો. જય ધ્રુવે પોતાના માર્ગદર્શકો, સહકર્મીઓ, વિદ્યાર્થીઓ અને શુભેચ્છકોનો હૃદયપૂર્વક આભાર વ્યક્ત કરતાં જણાવ્યું હતું કે, આ સન્માન શિક્ષણ, સંશોધન, નવીનતા અને રાષ્ટ્ર નિર્માણ માટે વધુ સમર્પિત ભાવથી કાર્ય કરવાની નવી પ્રેરણા છે.
